玩與被玩

前晚玩電腦，誰知被頭條玩，成晚都入唔到，連標題的相都無埋，上載左又出唔到！激氣之餘在網絡漫步，四圍盪，無意中去左谷哥唔知邊度，又無意中開左個網，又無意中搞亂左的野！結果又開多個！今日又彈番的野出來，而家整到兩個網都很靚！不過，谷哥唔可以自訂標題相，不過都無所謂，因為而家已經很靚！大家明我講咩嗎？唔明無損失！ 尋日為左同谷哥網扮靚搞左成日，今日又係對住部腦，提唔起興趣練歌！原因？唉！一來擔心血壓唔肯落山！佢唔明，佢在高處我就不勝寒呀！但中醫很輕描淡寫地話我是小事，佢話我無野，只是年紀唔輕而矣！即係話我老呀！希望高生只是 有一當然有二，今日阿媽篇文是講緊我呀！我尋日被人踩到體無完膚！搵阿媽聽我發牢騷！我最大既缺點就是重情！唔理咩情！我對任何人都是真心相待。相處幾年既友情唔容易斷！難怪有人話只可共患難，不可共富貴！原來唱歌都一樣！大家都唔識唱時，可以一齊研究，互相指出對方的問題，因為大家都唔好，所以一齊唱，一齊學，希望可以唱得好。我以為處處包容，處處遷就，友情可以長存！原來唔可以！我蠢唔代表有罪架！ 我唱歌蠢，而家玩電腦唔算蠢呀！我尋日同女婿講，我好叻呀！開左兩個網，重搞惦頭條張標題相！之前一係好大張，一係就好細張，網頁話要765同150像素，女婿跟佢整，張相很細架！尋日經我不斷研究，不斷試，結果搞惦，我用1100同480像素，而家張相咪幾好，唔大又唔細！我同女婿講佢整果張唔得架！女婿話：我要保護我尊業既影像，唔係我整錯，係網頁引導錯誤！我話係既，重話網友多謝你呀，佢地可以聽歌啦！我而家唔敢得罪佢呀！無左呢個顧問就無野玩架！