開心事

尋日搭地鐵去中環，出閘時比個靚女追我，以為做訪問調查之

類，我答她無時間，約左人已過鐘，誰知她說要查票！查什麼

票？我一時未諗到，她說循例要睇我張票！哦，靈光一閃，打開

手袋取銀包，我一邊問她唔信我？她又說循例要睇，我對她說：

你查我票，我很開心，即是我還年輕啦！她說：你唔似囉！取出

長者卡，她即說唔好意思。立即掉頭走。哈哈，她真的無眼光，

看我一貌堂堂，美艷如花，點會為十元捌塊車費而犯法！

尋日過海是因為有舊同學送飛給我睇寶珠，寶珠移師演藝，第一場是

慈善演出。尋日再睇寶珠，位不算靚，在二樓。睇得不是太清楚，但

寶珠唱得比一月時好很多。唱得很順暢，梅雪詩都唱得好左。講真，

一月份果次我不是太滿意，但尋晚我收貨啦。

今日一早舊拍擋打電話約我飲茶，無所謂啦。飲茶時講起大家都一齊

病。佢原來也病左十幾日，我話的咳清唔到，有痰出唔到，佢介紹一

位中醫給我，飲完茶去睇中醫，佢話我外感困住出唔到，又多風，所

以覺得倦，加上濕重，身體排水唔好，開左一劑藥，叫我飲完睇下反

應，明天再去睇，佢話應該會好轉，即管又試下，睇下明天是否好

些。不過佢講得對，我風同濕重，自己都知。我問佢可以飲羅漢果

嗎？佢話不可以，弊，我飲左兩日呀！希望呢個中醫可以搞得惦啦，

因為四月有四局歌呀！