今晚聽鍾麗蓉演唱會。唱得很好，歌又好聽。蓉姐咁既年紀還很
夠氣又好聲，打扮起來很青春美麗。今晚有幾首老歌是我喜歡
的，無聽幾十年既搜書院，今晚由仔哥同蓉姐唱拾鳶訴情，唱得
很動聽，輝哥既銀河抱月歸也是我鍾意的歌，我上月剛唱過。b
哥的夢會太湖也很好聽。好滿足的一晚。
講起搜書院，不期氣然令我諗起兒時往事！話說當年我只得幾歲大，未夠十歲。跟阿媽睇搜書院，覺得好睇，聽電台播歌，好鍾意聽柴房自嘆，因為鍾意聽南音，又鍾意聽訴情果段小曲。（自小是粵曲迷）成日喃嘸地唱，（自小喜歡唱粵曲）有日是年初一，我又唱歌，唱到果段嘆她父母雙亡，出事啦！俾包租婆鬧呀！鬧我年初一唱埋的咁唔好意頭既歌！所以我對呢首歌有好深印象架！
銀河抱月歸當年也是很鍾意聽，我細時鍾意紅線女架，佢早期有很多首名曲很好聽架！所以上月搵阿媽陪我唱。子喉段中板很難唱真架，今晚蓉姐唱到女腔味，腔很足。不過，佢雖然夠氣，我都係覺收番細的好。我好怕刺耳。我承認唔識欣賞！
激氣之餘在網絡漫步，四圍盪，無意中去左谷哥唔知邊度，又無意中開左個網，又無意中搞亂左的野！結果又開多個！今日又彈番的野出來，而家整到兩個網都很靚！
不過，谷哥唔可以自訂標題相，不過都無所謂，因為而家已經很靚！大家明我講咩嗎？唔明無損失！
我最大既缺點就是重情！唔理咩情！我對任何人都是真心相待。相處幾年既友情唔容易斷！難怪有人話只可共患難，不可共富貴！原來唱歌都一樣！大家都唔識唱時，可以一齊研究，互相指出對方的問題，因為大家都唔好，所以一齊唱，一齊學，希望可以唱得好。我以為處處包容，處處遷就，友情可以長存！原來唔可以！我蠢唔代表有罪架！
我尋日同女婿講，我好叻呀！開左兩個網，重搞惦頭條張標題相！之前一係好大張，一係就好細張，網頁話要765同150像素，女婿跟佢整，張相很細架！尋日經我不斷研究，不斷試，結果搞惦，我用1100同480像素，而家張相咪幾好，唔大又唔細！
我同女婿講佢整果張唔得架！女婿話：我要保護我尊業既影像，唔係我整錯，係網頁引導錯誤！我話係既，重話網友多謝你呀，佢地可以聽歌啦！
我而家唔敢得罪佢呀！無左呢個顧問就無野玩架！
