新網

前幾日無聊地在網絡漫步，阿虎通知我已搬好家，行去睇下，黑嘛嘛，無理由架，尋日再去睇啦，漫無目的地四圍按下，發現新大陸，原來可以改架！於是幫佢扮靚，以為自己很聰明，可以整到啦！因為尋日做節，唔得閑玩，今日再玩！諗住上載張靚相做封面啦！點知按制上載，彈出變臉機，又唔俾我上載，只出兩張咩相，叫我改尺寸等等。寫網誌啦，佢話可以相片日誌，照佢講上載相，再寫文章，寫完按發表，嚇！無既？搵唔到喎！又再左按右按，搵到寫網誌的地方，呢次醒呀，寫幾個字試下先，好彩，按發表啦，要我填網誌地址？左試右試都話唔對！再搵啦，又唔知去左邊？又叫我填表，填完表睇下去邊，個人雲？以為係自己個名！唔係喎，係去左佢個雲端硬合呀！有音樂櫃，文件櫃，通訊櫃，總之好多櫃，搞到我一舊雲！（名正言順既雲）最後決定放棄！返來頭條算啦！真係妻多夫賤，以為有幾頭住家，可以玩過不亦樂乎！誰知四圍碰壁，被人玩到氹氹轉！