拉雜

瑣碎事 2 樂 　　 無無聊聊，東拉西扯揾野講！ 細g聽歌學日文，對電視既字幕照抄，似乎似模似樣！ 二孫女鋼琴考試得到好成績，女兒話見佢完全唔緊張，又唔肯練習，以為佢唔合格，誰知有如此好成績！ 佢參加果隊管弦樂得到優異獎，上個月去華盛頓表演與比賽，第一次單獨離家。婆婆少不免津貼佢既洗費啦！咁叻女要獎勵下架！今次既旅費很貴，因為坐飛機來回。美國很好，家長無錢，學校舉行義賣會，籌錢幫家長，津貼一半旅費，孫兒才能成行！女兒話無錢，所以出力幫手義賣。 講完孫兒，輪到我威啦！檯上兜銀仔是今年的累積戰果！手上的紅衫魚是四女婿進貢！我地玩得很細，很少紙幣架！女婿想偷雞，我話事只是5元，所有人已經投降，我起啤架，女婿無牌在手，竟然大四十元！諗住大走我，佢就可以偷雞成功！我對佢講，你呢招唔得架，你太不了解外母我啦！我肯定你無牌，結果我手上有紅衫魚！佢呢次是第三次偷唔到雞！敗在我手！ 係咪很有賭神風采呢！