虛驚

尋日去捧阿媽場，聽歌要將電話處於靜音狀態。聽完歌將電話還原， 唔知是忘記定按錯制，總之今日電話唔響！ 尋晚睡唔着，上網同聽歌，半夜才睡，今日約左細嬸飲茶，九點醒 左，見早再睡一會，誰知睡得很熟！睡醒時是正午十二點。 細嬸十點幾揾我，揾唔到，以為我發生咩事！揾四女，佢一家尋日跟 學校去北潭涌宿營，佢打很多次電話都揾唔到我！打給細女，佢今日 放假，細女話無鎖匙，四女立刻提早退營，飛的來我家，細女又飛的 來，諗住拍門無人應就叫消防爆門！我十二點醒，一睇電話，有無搞 錯？二十一個電話揾我！再睇獲士，吹晒雞揾我！跟著聽到孫兒在門 口叫我，打開門見到細女全家，咩事？細女話，今日女婿部車拎去修 理，四女去宿營，好驚我有事，因為很多時的野會一齊發生，佢話拍 左很耐門，好驚要叫消防爆門後見到我發臭，我話有無咁跨張？ 最後我咪破財囉，佢地要我請飲茶，七百大元呀！ 今日本來無節目，一個人在家悶，結果全部人陪我飲茶，飲完茶回家 開賭！細女婿愛上蘇輕，結果佢又輸錢，兩個男人輸，我地三母女瓜 分佢地的錢！四女婿在淘寶買洗同派牌機。 我同佢地講，下次泠靜些，正面的諗，我去左街忘記攞電話都有可能 架！唔好一開始就諗我出事先！等多十分鐘已經揾到我啦！兒子叫我 安救命鐘，媳婦叫我安固網電話，女兒叫我配多幾串鎖匙，每人一 串。 今日雖然破財，不過很開心，知道佢地好緊張我，細女話四女最緊 張，立即退營飛的出來！呢枝是頂心杉梨架！平時激死我架！ 今日還有一件開心事，二女身在美國，她的同學知道我腳痛，獲士問 候我，介紹醫生給我針灸。我食左藥已經好左很多，只是惦到才有少 少痛。