做左長者後第一份禮物是腳踭痛！無端端痛左成個星期，好彩無影響生活，但惦到舊骨就痛！無辦法，一於去睇醫生。
見到醫生坐低後，（醫生很熟，很年輕）我；今次無事，只是腳踭舊骨痛，惦到才痛，我無跌撞。是否筋膜炎？（我可以做醫生）
醫生用手摸下我隻腳，係筋膜炎，初起。
佢很細心地對我講：有人見少少痛唔理，後患很長！年紀大，骨退化，無撞無跌都會痛，如處理不好，會退化得很快！另一隻腳都會痛，膝蓋都痛！行得多同企得多都有影響。
我立即說，呢樣唔存在，我生活悠閑！（噫，難道開個唱影響？）
醫生：體重很有關系，（最終都離不開）你減肥啦！（我減唔到，食少左）要做運動，只戒口唔夠架！（我都無戒）我建議你游水，（我怕水）不要怕瘀，去康文署參加長者班，成班長者就唔怕瘀！
我強調地說，我是怕水，不是怕瘀！我落左水唔敢行，未到膝蓋已經很驚！我細時幾乎浸死！也怕穿泳衣！
醫生：你一定要做運動減肥，陸上運動不可做！所以最好游泳！你一定要穿靚波鞋！要買一千元果種！不要穿涼拖鞋。
我話波鞋很重、很焗，涼拖方便。
醫生：你發炎呀！否則我理得你穿咩鞋呀！你一定要好好處理，呢幾日準時食藥同楂摩擦糕，一定要休息，等隻腳唔痛才去街！
今晚有飯局，去北角，明天去上水呀！好彩無唱局！
