無常

幾個月前約左曲友北上唱歌，一直很期待，終於日期快到啦！約左明 天去明輝！尋日一早醒來立刻獲士，商量明天如何會合，去何處飲 茶，很開心！當時是早上唔到十點。 十點三十分老友來電約飲茶，因為佢下月娶新抱，約我出來派帖。十 一點多在美心飲茶，正談得高興之時，曲友來電說明天不能北上！為 何？很不幸，她有家人突然走左！雖然我唔認識她的家人，但聽到消 息都很不開心！唔算老人家呀！在電話中不知說什麼好！只有無言的 關心與問候，呢個時候所有安慰的話都用不上！只有一聲保重！ 人生真的很無常！估計不到！好開心地商量唱歌的事，一小時後晴天 霹靂！ 好開心地祝賀老友心願得償，她呢杯新抱茶期待已久！話未說完就聽 到另一個友人的悲痛事！當時心情很難形容！ 另一個曲友來電問明天如何？我地三人一局。她很難抽出時間北上， 我唔想取消，但兩個人如何唱五小時？我是狂龍，她不是顛鳳，立刻 打出求救電話！時間咁急加上星期天，當然班唔到救兵啦！我同曲友 講，唔驚，照上！我地輪流唱單支，我同東唱雙平，跟著通知東哥， 若有人要夜局就俾人開六點啦！我地隨時可變陣。 尋晚即學一段情，希望明天可以唱。一於又打天才波，兵行險着是我 強項！因為我是老鼠！