中大一天遊

尋日全家出動去中文大學與細女影相！由細女充當導遊，選左三個景點做背景。兩個家姐加兩個姐夫與哥哥組成五人外勤攝影隊，鑽石陣容！三部相機加幾部咩風電話。

早上10;30分沙田鳳城酒家集合，兩張大檯，齊齊飲早茶。大女幾日前上網訂檯。

中年12.30分到達中大，坐校車上山，成班小朋友上車後，幾個年輕人齊齊起身讓坐給我們幾婆孫。尋日很多人。天氣很好，有陽光唔算很晒，有風但唔涷。

小朋友最開心！好似去旅行一樣，大女形容是小朋友遊樂日！

尋日叔仔兩夫婦要去飲，但佢地很錫細女，一早梨飲茶，去到中大影左幾張相才去飲。

細女尋日有驚喜，叔嬸在阿嫲的遺物中揀選一條珠鍊，說是代阿爺阿嫲送給細女做畢業禮物。佢老豆送現金獎，津貼佢去泰國之用。阿媽有無獎勵？讀得咁辛苦當然要獎啦！我送左一隻鑽石戒指給她，做過紀念！（用澳門政府派既錢）

細女話好驚喜，好感動，好開心！為左多謝家人的支持，請我地在沙田帝都酒店食自助餐，所有訂檯、比按金，下載優惠，全由大女負責，佢一向辦事我放心，誰知尋日出意外！佢換手袋時忘記取優惠卷！每人慳成百元架！好彩沙田廣場有快圖美，立即去下載，點知無得上網，好彩大女夠醒目，唔知點話用手機影再影印，好複雜，講左我都唔明！總之搞惦。酒店哥哥很好人，我差兩個月才是長者，佢見我嬌聲滴滴又貌美如花，算埋我是長者。

肉類麻麻地，蝦幾好，蟹粥最靚，有壽司同生蠔，很多甜品，汽水任飲！

又是小朋友最開心，食左差不多四小時，大家才盡興地各自回家！

尋日真的很開心但很倦！